پاکستان قونصلیٹ فرینکفرٹ کے نئے قونصل جنرل علی انصر زیدی نے جرمنی پہنچ کر اپنے عہدے کا چارج سنبھال لیا، ان کی آمد سے قبل ہیڈ آف چانسلری فہد الرحمٰن نے اضافی ذمے داریاں انجام دیں۔
علی انصر زیدی ایک تجربہ کار سفارت کار ہیں، انہوں نے اسلام آباد میں بنیادی تعلیم حاصل کی جبکہ ٹیکسلا سے انجینئرنگ کی تعلیم مکمل کی، وزارت خارجہ میں شمولیت سے قبل مختلف اہم اداروں میں خدمات انجام دینے کے بعد انہوں نے فارن سروس کا امتحان پاس کیا اور وزارتِ خارجہ میں اسسٹنٹ ڈائریکٹر کے طور پر سفارتی کیریئر کا آغاز کیا۔