Inanunsiyo nitong Linggo ng budget carrier na Cebu Pacific ang paglulunsad ng discounted base fares para sa mga domestic at international flights bilang bahagi ng kanilang promosyon ngayong Nobyembre.
Ayon sa anunsiyo, maaaring makakuha ang mga bibiyahe ng one-way base fare na nagkakahalaga lamang ng P1 para sa kanilang susunod na biyahe, ngunit hindi kasama ang iba pang fees at surcharges.
Tatagal ang promo mula Nobyembre 8 hanggang 11.
Saklaw naman ng travel period para sa mga flight na mabibili sa ilalim ng promo na mula Pebrero 1 hanggang Hulyo 31, 2027.