Sinagip ng mga mangingisda ang dalawang dambuhalang butanding na aksidenteng pumasok sa kanilang lambat sa Binmaley, Pangasinan.
Sa ulat ng GMA Regional TV One North Central Luzon nitong Lunes, sinabing nangyari ang insidente sa karagatang sakop ng Barangay Baybay Lopez kaninang bago mag-8:00 am.
Nagtulong-tulong ang mga mangingisda para makalabas ng lambat ang dalawang butanding at maibalik sila sa malalim na bahagi ng dagat.