سیارہ زہرہ نظامِ شمسی کے ان 2 سیاروں میں شامل ہے جن کے پاس کوئی قدرتی چاند نہیں ہے اور اس حوالے سے اب سائنسدانوں نے ایک اہم نظریہ پیش کر دیا ہے۔
سیارہ زہرہ جسامت، کمیت اور ساخت کے اعتبار سے زمین سے مشابہت رکھتا ہے، لیکن اس کے پاس کوئی چاند موجود نہیں ہے۔
سائنسدان طویل عرصے سے یہ جاننے کی کوشش کر رہے تھے کہ زمین سے ملتی جلتی خصوصیات رکھنے والے اس سیارے کے پاس کوئی اپنا چاند کیوں نہیں؟
یونیورسٹی آف کیلیفورنیا کے ڈاکٹر اسٹیفن کین کی قیادت میں محققین کی ایک ٹیم نے یہ جاننے کے لیے کمپیوٹر سیمولیشنز کے ذریعے اس امکان کا جائزہ لیا کہ کیا سیارہ زہرہ کے پاس ماضی میں کوئی چاند تھا؟ اور اگر تھا تو پھر اب وہ کہاں گیا؟