غزہ میں تباہ شدہ عمارتوں سے فلسطینی شہدا کی باقیات ملنے پر اقوام متحدہ انسانی حقوق ایجنسی نے تشویش کا اظہار کیا ہے۔ 
اقوام متحدہ انسانی حقوق ایجنسی کے سربراہ وولکر ترک نے اپنے بیان میں کہا غزہ میں فلسطینیوں کی باقیات ملنے سے اسرائیلی جنگی جرائم کے خدشات دوبارہ سر اٹھا رہے ہیں۔
انھوں نے کہا کہ اسرائیلی حملوں سے تباہ مقامات سے پورے پورے خاندانوں کی باقیات نکالی جا رہی ہیں، باقیات میں بڑی تعداد خواتین اور بچوں کی ہے۔