امریکا نے خلائی مدار میں ہتھیار تعینات کرنے کا پہلی بار باضابطہ اعتراف کر لیا۔
امریکی فضائیہ کے سیکریٹری ٹرائے مینک (Troy Meink) کا کہنا ہے کہ دشمن کی کسی بھی جارحانہ کارروائی کے خلاف امریکی افواج کے تحفظ کے لیے مدار میں موجود (on orbit) یہ ہتھیار ضروری تھا۔
غیر ملکی میڈیا کے مطابق ایئر اسپیس اینڈ سائبر کانفرنس سے خطاب کرتے ہوئے مینک نے کہا کہ امریکا بدلتے ہوئے خطرات سے نمٹنے کے لیے تیار ہے تاہم انہوں نے اس ہتھیار کی صلاحیتوں یا اسے مدار میں کب بھیجا گیا، اس حوالے سے مزید تفصیلات فراہم نہیں کیں۔