نیویارک کے علاقے کوئینز کے جمیکا اسٹیٹس میں واقع امریکی صدر ڈونلڈ ٹرمپ کا بچپن کا گھر 1.93 ملین ڈالرز میں فروخت ہو گیا۔
ٹیوڈر طرز کا یہ گھر 1940ء میں ٹرمپ کے والد اور ریئل اسٹیٹ کی کاروباری شخصیت فریڈ ٹرمپ نے تعمیر کروایا تھا، ڈونلڈ ٹرمپ نے اپنی زندگی کے ابتدائی 4 سال اسی گھر میں گزارے تھے۔
رپورٹس کے مطابق کافی عرصے تک خالی رہنے کے باعث یہ گھر انتہائی خستہ حال ہو گیا تھا، پائپ پھٹنے سے پانی کے رساؤ کے باعث عمارت کو نقصان پہنچا تھا، پھپھوندی پھیل گئی تھی جبکہ گھر میں جنگلی بلیوں کی بھر مار بھی ہو گئی تھی۔