اردن کے سیاست دان اور سابق وزیرِ داخلہ سمیر حبشنہ نے عرب میڈیا کے لیے لکھے گئے اپنے مضمون میں کہا ہے کہ خلیج میں جاری جنگ کسی فریق کی فیصلہ کن فتح کے بجائے سمجھوتے پر ختم ہونے کا امکان زیادہ ہے۔
عرب میڈیا پر شائع مضمون میں سمیر حبشنہ نے اپنی رائے کا اظہار کرتے ہوئے کہا ہے کہ امریکا اور اسرائیل ایران کے خلاف جنگ کے اپنے بنیادی مقاصد حاصل نہیں کر سکے، ایران کا جوہری پروگرام مکمل طور پر ختم نہیں ہوا، اس کا میزائل نظام بھی ختم نہیں کیا جا سکا اور ایرانی حکومت کا خاتمہ بھی ممکن نہیں ہوا۔