برطانوی ملکہ کمیلا، فرانسیسی صدر ایمانوئل میکرون اور ان کی اہلیہ بریجٹ میکرون کے درمیان ایک مختصر مگر شائستہ انداز میں ہوئی ملاقات نے سب کی توجہ حاصل کر لی۔
برطانیہ کے دورے پر آئے ہوئے فرانسیسی صدر اور ان کی اہلیہ بریجٹ میکرون نے برطانوی بادشاہ چارلس سوم اور ملکہ کمیلا کے ہمراہ برٹش میوزیم کا دورہ کیا۔
ویڈیو میں دیکھا جا سکتا ہے کہ میوزیم پہنچنے پر صدر میکرون نے ملکہ کمیلا کی کمر پر انتہائی شائستگی سے ہاتھ رکھا، دونوں شاہی اور صدارتی جوڑے تقریب میں شرکت کے لیے پہنچے تھے، جہاں بایو ٹیپسٹری کی رونمائی کی گئی۔