امریکا کے سابق قومی سلامتی کے عہدیدار مارک فائیفل کا کہنا ہے کہ امید ہے کہ امریکا کو ایران سے خام تیل خریدنے والے چینی خریداروں پر ثانوی پابندیاں عائد کرنے کی ضرورت نہیں پڑے گی۔
انہوں نے عرب میڈیا سے گفتگو کرتے ہوئے کہا کہ میرے خیال میں ٹرمپ اور امریکی محکمۂ خزانہ اس اقدام کو اپنے پاس محفوظ رکھیں گے اور اگر ضرورت پیش آئی تو اسے استعمال کریں گے۔
مارک فائیفل کے مطابق بیجنگ کے خلاف وسیع پیمانے پر پابندیاں عائد کرنا سفارتی طور پر مشکل ہوگا، کیونکہ دونوں ممالک کی معیشتیں اب بھی ایک دوسرے سے گہری طرح جڑی ہوئی ہیں۔