مقبوضہ مغربی کنارے کے علاقے نابلس میں اسرائیلی آبادکاروں نے ایک فلسطینی خاندان کے گھر کو 3 گھنٹے سے زیادہ دیر تک گھیرے میں رکھا۔
وفا خبر رساں ایجنسی کے مطابق آبادکاروں نے محمد ثابت ماجد حسون نامی فلسطینی شہری کے گھر کو اتوار کی شام گھیرے میں لے لیا جس کے باعث خاندان کے 9 افراد گھر میں محصور ہو گئے۔
عرب میڈیا کے مطابق بعد ازاں اسرائیلی فوج نے گھر میں پھنسے تمام 9 فلسطینیوں کو حراست میں لے لیا۔