بھارت میں ترنمول کانگریس کے رہنما اور مغربی بنگال کے سابق وزیر 75 سالہ اشییش بینرجی نے مبینہ طور پر بیربھوم ضلع میں اپنی رہائش گاہ کے قریب واقع پارٹی دفتر میں خودکشی کرلی۔ ان کی لاش اتوار کی صبح پارٹی دفتر میں پھندے سے لٹکی ہوئی ملی۔
رپورٹس کے مطابق اشییش بینرجی، جو مغربی بنگال اسمبلی کے سابق ڈپٹی اسپیکر بھی رہ چکے تھے، اپنے پیچھے ایک مبینہ نوٹ چھوڑ گئے ہیں جس میں انہوں نے کرپشن اور بے ضابطگیوں کے الزامات میں اپنی بےگناہی کا دعویٰ کیا ہے۔