مانچسٹر میں پاکستانی کمیونٹی نے پاکستان کا یومِ آزادی قومی جوش و جذبے کے ساتھ منایا۔ برطانیہ کی فضا پاکستان زندہ باد کے نعروں سے گونج اٹھی۔
اس موقع پر مانچسٹر میں بڑی تعداد میں نوجوان کری مال وِلمزلو روڈ پر نکل آئے اور انھوں نے یوم آزادی کا جشن قومی نغموں اور ’’پاکستان زندہ باد‘‘ کے نعروں کے ساتھ بھرپور طریقے سے منایا۔
یوم آزادی کے سلسلہ میں مختلف تنظیموں کی جانب سے خصوصی تقریبات کا اہتمام کیا گیا، سب سے بڑی تقریب قونصلیٹ جنرل آف پاکستان مانچسٹر میں ہوئی جس کی میزبانی قونصل جنرل امتیاز فیروز گوندل نے کی۔