امریکی انٹیلی جنس حکام گزشتہ ایک سال کے دوران اسرائیل کی جانب سے دی گئی ان متعدد وارننگز کی آزادانہ طور پر تصدیق کرنے میں ناکام رہے جن میں کہا گیا تھا کہ ایران صدر ٹرمپ کو قتل کرنے کا ارادہ رکھتا ہے۔
غیر ملکی خبر رساں ایجنسی کے مطابق ایک موجودہ امریکی عہدیدار اور دو سابق امریکی حکام کا کہنا ہے کہ ان وارننگز میں ٹرمپ کو نشانہ بنانے کے لیے اسنائپر کی خدمات حاصل کرنے، کسی بڑے عوامی اجتماع میں چاقو سے حملہ کرنے کے لیے کسی شخص کو تیار کرنے یا ایئر فورس ون پر کندھے سے چلائے جانے والے میزائل سے حملہ کرنے کی مبینہ سازشیں شامل تھیں۔