امریکی انٹیلی جنس حکام نے ایران کی جانب سے صدر ڈونلڈ ٹرمپ کو قتل کرنے کی مبینہ دھمکی کے دعوے پر شکوک کا اظہار کیا ہے۔
واشنگٹن پوسٹ نے امریکی حکام کے حوالے سے رپورٹ کیا ہے کہ مبینہ ایرانی دھمکی کی اطلاع اسرائیل نے امریکا کو دی تھی، جس کے بعد ٹرمپ کو ترکیہ سے متبادل فوجی طیارے کے ذریعے خفیہ طور پر روانہ کرنے کا انتظام کیا گیا۔
رپورٹ کے مطابق اسرائیلی حکومت نے مبینہ دھمکی سے متعلق معلومات سی آئی اے کو فراہم کیں، تاہم امریکی انٹیلی جنس کے تجزیہ کاروں نے ان معلومات کو قابلِ اعتماد نہیں سمجھا اور انتظامیہ کے حکام کو اپنے تحفظات سے آگاہ کیا۔