انسانوں، مویشیوں اور دیگر زندہ جانوروں کے گوشت کو کھانے والا خطرناک کیڑا میکسیکو اور وسطی امریکا کے مختلف علاقوں میں تیزی سے پھیل رہا ہے جہاں اس سے اب تک 500 سے زائد انسان متاثر ہو چکے ہیں جبکہ کم از کم 1 ہلاکت کا تعلق اس انفیکشن سے جوڑا گیا ہے۔
’اسکرِیو ورم‘ نامی یہ طفیلی کیڑا (Parasitic Worm) ایک خاص قسم کی مکھی کا لاروا ہے، مادہ مکھی کھلے زخم یا جسم کے متاثرہ حصوں، خصوصاً ناک، منہ، آنکھوں اور کانوں کے قریب انڈے دیتی ہے، تقریباً 1 دن میں ان انڈوں سے لاروا نکل آتا ہے جو زخم میں داخل ہو کر زندہ گوشت کھانا شروع کر دیتا ہے۔