اٹلی کے شہر میلان کے لیناتے ایئر پورٹ پر ایک فیاٹ پانڈا گاڑی نجی طیارے سے ٹکرا گئی، جس کے باعث ایئر پورٹ پر فضائی آپریشن متاثر رہا۔
ابتدائی اطلاعات کے مطابق حادثہ پیر کی صبح 11 بج کر 20 منٹ پر پیش آیا، جب فیاٹ پانڈا گاڑی بے قابو ہو کر ہاکر بیچ کرافٹ 400 اے نجی طیارے کے اگلے حصے سے جا ٹکرائی۔
تصادم کے نتیجے میں نجی طیارے کے ریڈار ڈوم اور ناک والے حصے کو نقصان پہنچا۔
حادثے کے بعد امدادی اہلکار فوری طور پر موقع پر پہنچ گئے جنہوں نے طیارے کے ساتھ ساتھ گاڑی کا بھی معائنہ کیا، حادثے میں کسی شخص کے زخمی ہونے کی اطلاع نہیں ملی۔