یمن میں حوثی گروپ نے حضرِ موت اور مارب میں حکومتی فوج کے متعدد فوجی کیمپس پر میزائل اور ڈرون حملے کیے ہیں جن میں 30 یمنی فوجی اہلکار شہید اور 15 زخمی ہو گئے۔
یمنی حکومت کے مطابق شہادتوں میں مزید اضافے کا خدشہ ہے جبکہ حوثیوں نے دعویٰ کیا ہے کہ حملوں میں یمنی فوج کے سیکڑوں اہلکار ہلاک اور زخمی ہوئے ہیں۔
عرب میڈیا کی رپورٹ کے مطابق حوثی ترجمان یحییٰ سریع نے کہا ہے کہ حملے حکومتی فوج کی حالیہ عسکری نقل و حرکت کے جواب میں کیے گئے ہیں۔