برطانوی فوجی تربیتی کالج کی کم عمر خواتین اہلکاروں کی جانب سے سینئرز پر جنسی زیادتی، ہراسانی اور بدسلوکی کے سنگین الزامات عائد کیے گئے ہیں۔
برطانوی نشریاتی ادارے بی بی سی کی رپورٹ کے مطابق شمالی یارکشائر کے علاقے ہاروگیٹ میں قائم فوجی تربیتی ادارے میں زیرِ تربیت رہنے والی 4 خواتین نے دعویٰ کیا ہے کہ ہمیں دورانِ تربیت جنسی تشدد اور ہراسانی کا سامنا کرنا پڑا۔
فوجی تربیت حاصل کرنے والی خواتین کے مطابق یہ واقعات اس وقت پیش آئے جب ان کی عمریں 17 سال تھیں۔