World
اسرائیلی آبادکاروں نے مقبوضہ مغربی کنارے میں 2 مساجد کو نذرِ آتش کردیا
اسرائیلی آبادکاروں نے مقبوضہ مغربی کنارے میں رات گئے دو مساجد کو آگ لگا دی۔
مصنف Wajiha Naz36K بار پڑھا

اسرائیلی آبادکاروں نے مقبوضہ مغربی کنارے میں رات گئے دو مساجد کو آگ لگا دی۔
عرب میڈیا کے مطابق فلسطینی اتھارٹی کے زیرِ انتظام مغربی کنارے میں اسرائیلی قابضین کے حملے بدستور جاری ہیں، گزشتہ رات دو مساجد کو آگ لگا دی گئی۔
میڈیا رپورٹس کے مطابق نابلس کے جنوب میں واقع قصبے قصرہ کے میئر عبدالعظیم وادی نے بتایا کہ آبادکاروں نے قصبے کے جنوبی حصے میں زیرِ تعمیر ایک مسجد کو نذرِ آتش کر دیا۔
انہوں نے کہا کہ آگ کے باعث مسجد کا داخلی حصہ مکمل طور پر جل گیا جبکہ اس کی پتھریلی دیواروں کو بھی نقصان پہنچا۔ حملہ آوروں نے مسجد کی دیواروں پر عبرانی زبان میں نعرے بھی تحریر کیے، جن میں انتقام کا لفظ بھی شامل تھا۔
2 ہزار یہودی مسجدِ اقصیٰ کے احاطے میں زبردستی داخل، نمازیوں کا داخلہ روک دیا


