World
سعودی قیادت میں یمنی فورسز کا انصار اللّٰہ کے 30 جنگجوؤں کو ہلاک کرنے کا دعویٰ
سعودی قیادت میں یمنی فورسز نے 24 گھنٹوں کے دوران انصار اللّٰہ کے 30 جنگجوؤں کو ہلاک اور 60 کو زخمی کرنے کا دعویٰ کیا ہے۔
مصنف Hassan Shabbar98K بار پڑھا

سعودی قیادت میں یمنی فورسز نے 24 گھنٹوں کے دوران انصار اللّٰہ کے 30 جنگجوؤں کو ہلاک اور 60 کو زخمی کرنے کا دعویٰ کیا ہے۔
ترک خبر ایجنسی کے مطابق یمنی فورسز نے مغربی یمن کے ضلع الوازعیہ میں فضائی کارروائیوں کے دوران حوثیوں کی متعدد گاڑیوں کو بھی نشانہ بنایا جس سے انہیں نقصان پہنچا۔
علاوہ ازیں سعودی طیاروں نے یمن کے مغربی علاقوں میں حوثیوں کے متعدد ٹھکانوں کو نشانہ بنایا اور 24 گھنٹوں میں 54 فضائی حملے کیے۔
میڈیا رپورٹس کے مطابق یمنی فضائی حدود میں سعودی عرب کو نمایاں برتری حاصل ہے جبکہ حوثیوں کے پاس نہ مؤثر فضائیہ ہے اور نہ مضبوط فضائی دفاعی نظام اور نہ ہی سعودی فضائی کارروائیوں کا مقابلہ کرنے کی قابلِ ذکر صلاحیت۔
یمن میں سعودی فضائی حملوں میں 3 ٹیلی کمیونیکیشن ٹاورز نشانہ بنے، 1 شخص ہلاک ہوا: حوثیوں کا دعویٰ


