وویمن چیمبر آف کامرس اینڈ انڈسٹری سیالکوٹ کے اراکین کی ایس او ایس چلڈرنز ولیج کی یومِ آزادی کی تقریب میں شرکت
سیالکوٹ (اُردو پوائنٹ اخبارتازہ ترین - اے پی پی۔ 14 اگست2026ء) سیالکوٹ چیمبر آف کامرس اینڈ انڈسٹری میں ایس او ایس چلڈرنز ولیج سیالکوٹ کے زیرِ اہتمام منعقدہ پاکستان کے 79 ویں یومِ آزادی کی تقریب میں ویمن چیمبر آف کامرس ای

سیالکوٹ (اُردو پوائنٹ اخبارتازہ ترین - اے پی پی۔ 14 اگست2026ء) سیالکوٹ چیمبر آف کامرس اینڈ انڈسٹری میں ایس او ایس چلڈرنز ولیج سیالکوٹ کے زیرِ اہتمام منعقدہ پاکستان کے 79 ویں یومِ آزادی کی تقریب میں ویمن چیمبر آف کامرس اینڈ انڈسٹری سیالکوٹ کی صدر ڈاکٹر مریم صدیقہ نے ایگزیکٹو اور دیگر اراکین کے ہمراہ شرکت کی۔اس تقریب نے بچوں اور کاروباری برادری کے اراکین کو ایک پرجوش اور پُرمسرت ماحول میں یومِ آزادی منانے کے لیے اکٹھا کیا۔ وویمن چیمبر آف کامرس اینڈ انڈسٹری سیالکوٹ نے تقریب کے انعقاد پر ایس او ایس چلڈرنز ولیج سیالکوٹ کے سربراہ شیخ زاہد حمید کو سراہا اور بچوں کی پرجوش شرکت کی تعریف کی، جس نے جشن کو ایک خاص رنگ دیا۔وویمن چیمبر کے اراکین نے بچوں کے ساتھ محبت، اپنائیت اور حوصلہ افزائی کے جذبات کا اظہار کیا، جس سے یومِ آزادی کا جشن ایک بامقصد اور یادگار موقع بن گیا۔شرکاء نے یومِ آزادی کے موقع پر بچوں کی معاونت کرنے اور ہمدردی، اتحاد اور قومی یکجہتی کے جذبے کو فروغ دینے کے عزم کا اظہار کیا۔



