وفاقی وزارت خزانہ نے ملکی معیشت سے متعلق ماہانہ آؤٹ لک رپورٹ جاری کر دی۔ رپورٹ کے مطابق عالمی سطح پر تیل کی قیمتوں میں اضافے سے پاکستان میں مہنگائی کا دباؤ بڑھنے کا خدشہ ہے۔ 
رپورٹ میں کہا گیا ہے کہ جولائی 2026 میں مہنگائی 9 سے 10 فیصد رہنے کا امکان ہے، امریکا، ایران کشیدگی عالمی توانائی قیمتوں اور مالیاتی منڈیوں کیلئے خطرہ ہے۔
وزارت خزانہ کی رپورٹ کے مطابق مالی سال 2025-26 میں براہ راست غیر ملکی سرمایہ کاری میں 33.9 فیصد کمی ریکارڈ کی گئی، غیر ملکی سرمایہ کاری2.477 ارب ڈالر سے کم ہوکر 1.636 ارب ڈالر رہ گئی، جون 2026 میں براہ راست غیرملکی سرمایہ کاری صرف 13.5 ملین ڈالر رہی۔