پاکستان اور عالمی مالیاتی فنڈ (آئی ایم ایف) کے درمیان ای ایف ایف پروگرام کے چوتھے جائزے کے مذاکرات کا آغاز ہو گیا۔
وزارتِ خزانہ کے اعلامیے کے مطابق وزیرِ خزانہ محمد اورنگزیب سے آئی ایم ایف مشن کی ابتدائی ملاقات ہوئی ہے، پاکستان میں موجود آئی ایم ایف مشن کی قیادت آئیوا پیٹرووا کر رہی ہیں۔
اعلامیے کے مطابق آئی ایم ایف مشن پاکستان کے ای ایف ایف پروگرام کے چوتھے جائزے کے ساتھ ریزیلینس اینڈ سسٹین ایبلٹی فیسلٹی (آر ایس ایف) کے تیسرے جائزے کے لیے بھی مذاکرات کر رہا ہے۔
ذرائع کے مطابق آئی ایم ایف کا وفد آج وزارتِ صنعت و پیداوار کے حکام سے ملاقات کرے گا، جس میں نئی آٹو پالیسی پر بریفنگ دی جائے گی، وفد کو الیکٹرک اور ہائبرڈ گاڑیوں پر دی جانے والی ٹیکس مراعات سے بھی آگاہ کیا جائے گا۔