بالی ووڈ کی آنجہانی سپر اسٹار سری دیوی کی جانب سے 1988ء میں خریدی گئی چنئی کی 2.7 ایکڑ زمین کا تنازع بھارت کی سپریم کورٹ پہنچ گیا، جہاں عدالتِ عظمیٰ نے تمام فریقین کو معاملے کو ثالثی کے ذریعے حل کرنے کی ہدایت کردی۔
بھارتی سپریم کورٹ کے دو رکنی بینچ نے سماعت کے دوران کہا کہ وہ اس معاملے کو حل کرنے کے لیے ہائی کورٹ کے ایک ریٹائرڈ جج کو ثالث مقرر کریں گے تاکہ دونوں فریقین مل بیٹھ کر اپنا تنازع ختم کر سکیں۔