بالی ووڈ کے معروف گلوکار سونو نگم نے ایک بار پھر اپنی آواز کے منفرد انداز سے مداحوں کو حیران کر دیا۔
انہوں نے امریکی کنسرٹ کے دوران شاہ رخ خان کی مقبول فلم کے گانے آج کی رات کو مرد اور خاتون دونوں کی آواز میں پیش کیا۔
بھارتی میڈیا کے مطابق سونو نگم ان دنوں ’دی ریوولوشن سونو نگم لائیو‘ کے عنوان سے امریکی دورے پر ہیں، 13 ستمبر کو انہوں نے نیویارک کے ناساؤ ویٹرنز میموریل کولیزیم میں پرفارم کیا، جس کی ویڈیو بعد میں سوشل میڈیا پر وائرل ہو گئی۔