بالی ووڈ اداکاروں شاہ رخ خان، اجے دیوگن اور ٹائیگر شروف سے متعلق ویمل کیس میں دہلی ہائی کورٹ نے درخواست خارج کر دی، جس کے بعد تینوں اداکاروں کو فوری ریلیف نہ مل سکا۔
یہ درخواست ویمل الائچی پان مسالہ اشتہار سے منسلک کمپنی پی بی ایگرو کی جانب سے دائر کی گئی تھی، جس میں مہاراشٹرا فوڈ اینڈ ڈرگ ایڈمنسٹریشن کی جانب سے تینوں اداکاروں کو جاری کیے گئے شوکاز نوٹسز کو چیلنج کیا گیا تھا۔
جسٹس سوارنا کانتا شرما نے درخواست خارج کرتے ہوئے قرار دیا ہے کہ معاملہ دہلی ہائی کورٹ کے علاقائی دائرہ اختیار میں نہیں آتا۔