بالی ووڈ اداکار سیف علی خان نے جنوری 2025ء میں اپنے گھر میں ہونے والے چاقو حملے کو یاد کرتے ہوئے انکشاف کیا ہے کہ میں اب بھی اس واقعے کے اثرات سے مکمل طور پر باہر نہیں آ سکا۔
56 سالہ اداکار نے ’بمبئی ٹائمز‘ سے خصوصی گفتگو میں حملے کے بعد کی صورتِ حال پر بات کرتے ہوئے کہا ہے کہ میں اس واقعے سے 100 فیصد نہیں نکل سکا کیونکہ چاقو دیکھتے ہی میرا ردعمل بدل جاتا ہے۔
سیف علی خان کے مطابق میں نے اور اہل خانہ نے اس صورتِ حال سے کافی بہتر انداز میں نمٹا، تاہم میری اہلیہ اس واقعے سے سب سے زیادہ متاثر ہوئیں کیونکہ وہ عمومی طور پر بہت حساس طبیعت کی مالک ہیں۔