اداکار یاسر حسین نے کہا ہے کہ مجھے اس بات پر بالکل کوئی اعتراض نہیں کہ لوگ مجھے اہلیہ اور اداکارہ اقراء عزیز کے نام اور کامیابی کی وجہ سے پہچانیں۔
یاسر حسین نے حال ہی میں عفت عمر کے پوڈکاسٹ میں شرکت کی، جہاں انہوں نے اپنی شناخت، اہلیہ کی کامیابی اور معاشرے میں مردانگی سے جڑے توقعات پر کھل کر گفتگو کی۔
یاسر حسین کا کہنا ہے کہ اگر لوگ مجھے اقراء عزیز کی وجہ سے جانتے ہیں تو مجھے اس پر کوئی اعتراض نہیں، مجھے خود پر مکمل اعتماد ہے، اس لیے مجھے اس بات سے کوئی احساسِ کمتری نہیں ہوتا۔