پاپ گلوکاری کے بے تاج بادشاہ مائیکل جیکسن کے بارے میں یہ بات بہت کم لوگ جانتے ہوں گے کہ وہ امریکی ریاست کیلیفورنیا میں 2 ہزار 700 ایکڑ زمین کے مالک تھے۔
کیلیفورنیا کی سانتا باربرا کاؤنٹی میں موجود اس زمین کو 1981ء میں پراپرٹی ڈیولپر ولیم بون نے خرید کر اس کا نام ’سائیکامور ویلی رینچ‘ رکھا اور اسے ایک وسیع پرائیویٹ اسٹیٹ میں تبدیل کر دیا، جس میں ایک عالی شان گھر، باغات، ایک آبشار کے ساتھ 4 ایکڑ پر مشتمل جھیل بھی شامل تھی۔
مائیکل جیکسن نے پہلی بار 1983ء میں پال میک کارٹنی سے ملاقات کے دوران اس پراپرٹی کو دیکھا جو کہ وہاں اپنی ایک میوزک ویڈیو کی شوٹنگ کے لیے ٹھہرے ہوئے تھے اور پھر 5 سال بعد اسے خرید لیا۔