پاکستانی اداکارہ اور ماڈل جیا علی نے اپنی زندگی کے ایک انتہائی تکلیف دہ دور کا ذکر کرتے ہوئے والدہ کے انتقال اور ان کی آخری رسومات میں شرکت نہ کرنے کے حوالے سے اہم انکشافات کیے ہیں۔
ایک پوڈ کاسٹ میں گفتگو کرتے ہوئے جیا علی نے اپنی زندگی، کیریئر، شادی اور والدین سے متعلق گفتگو کی، والدہ کی بیماری اور انتقال کا ذکر کرتے ہوئے اداکارہ جذباتی ہو گئیں اور آبدیدہ نظر آئیں۔
جیا علی نے بتایا کہ میری والدہ شدید بیمار رہنے کے بعد انتقال کر گئی تھیں، انہوں نے عمر کے آخری حصے تک کام کیا اور اپنی صحت پر توجہ نہ دے سکیں، والدہ کے انتقال کا صدمہ میں کئی برس تک قبول نہیں کر سکی۔