اجے دیوگن کو فلموں میں متعارف کروانے والے معروف فلمساز کوکو کوہلی دل کا دورہ پڑنے سے بمبئی کے کوکیلا بین اسپتال میں چل بسے۔ ان کی عمر 77 برس تھی۔ 
وہ گزشتہ کئی دہائیوں سے ہندی سنیما سے وابستہ تھے، انہوں نے ’پھول اور کانٹے‘ سے اجے دیوگن کو انڈسٹری میں متعارف کروایا تھا۔
ان کے دوست اور فلمساز و پروڈیوسر اشوک پنڈت نے ان کی موت کی تصدیق کرتے ہوئے بتایا کہ انہیں کوئی بیماری نہیں تھی، اچانک دل کا شدید دورہ پڑا، جو جان لیوا ثابت ہوا۔