بالی ووڈ اداکار عامر خان نے نئی اسپورٹس ڈراما فلم میں 25 سالہ نوجوان کا کردار نبھانے کےلیے شدید وزن گھٹانے کے پروگرام پر کام شروع کردیا ہے۔
61 سالہ عامر خان ہدایت کار آشوتوش گوواریکر کی فلم ’لکارا‘میں اپنی اصل عمر سے کئی دہائیاں چھوٹے نظر آنے کےلیے بڑے جسمانی چیلنج پر لگ گئے ہیں۔
اسپورٹس اور تاریخ کے پس منظر میں بننے والی یہ فلم کرکٹ، حریفانہ مقابلے، دوستی، حب الوطنی اور تقسیم ہند کے اثرات کو اجاگر کرتی ہے۔
2001ء کی شاہکار فلم لگان کی تاریخی کامیابی اور آسکر نامزدگی کے 2 دہائی بعد عامر خان اور آشوتوش گوواریکر کی جوڑی ایک بار پھر یکجا ہوئی ہے۔