Entertainment
کنگنا رناوت سے کبھی نہیں ملی نہ اب ملوں گی، تاپسی پنوں
تاپسی پنوں اور کنگنا رناوت کے درمیان 2019 اور 2020 میں عوامی سطح پر لفظی جنگ دیکھنے میں آئی تھی۔ حال ہی میں تاپسی نے کنگنا کے ساتھ اپنے تعلقات پر بات کرتے ہوئے انکشاف کیا کہ وہ کبھی بھی اس اداکارہ سے نہیں ملیں۔
مصنف Shaukat Pirzada128K بار پڑھا

تاپسی پنوں اور کنگنا رناوت کے درمیان 2019 اور 2020 میں عوامی سطح پر لفظی جنگ دیکھنے میں آئی تھی۔ حال ہی میں تاپسی نے کنگنا کے ساتھ اپنے تعلقات پر بات کرتے ہوئے انکشاف کیا کہ وہ کبھی بھی اس اداکارہ سے نہیں ملیں۔
بھارتی میڈیا کی رپورٹ کے مطابق کنگنا کے ساتھ اپنے تنازع پر بات کرتے ہوئے تاپسی نے کہا کہ جس طرح وہ ایک دوسرے کے بارے میں بات کرتے ہیں، وہ ان کی تربیت کی عکاسی کرتا ہے۔
انہوں نے کہا کہ میں ان سے نہیں ملی۔ ان نام نہاد مسائل کے شروع ہونے سے پہلے بھی میں ان سے نہیں ملی تھی اور اب بھی نہیں ملی ہوں۔ ان کے بارے میں میری رائے میری تربیت، بات چیت کے انداز اور چیزوں کو سمجھنے کے میرے طریقے کو ظاہر کرتی ہے، جبکہ ان کا طریقہ ان کا اپنا ہے، وہ اپنے موقف پر قائم ہیں، لہٰذا مجھے لگتا ہے کہ ہر کسی کے لیے یہ دیکھ کر فیصلہ کرنا کافی ہے کہ کون کس پس منظر یا تربیت سے تعلق رکھتا ہے۔
کنگنا رناوت نے جنتر منتر مظاہرین کو شبانہ اعظمی کی عمر کا قرار دے دیا
کنگنا رناوت کا نصیرالدین شاہ پر ایک بار پھر طنز


