پاکستانی اداکارہ اور ماڈل مہرالنساء اقبال نے انکشاف کیا ہے کہ کورونا کی وباء کے دوران ایک ڈرامے کی شوٹنگ کے موقع پر مجھے ایک سینئر اداکارہ کی جانب سے نامناسب رویے اور بدسلوکی کا سامنا کرنا پڑا۔
مہرالنساء اقبال نے بتایا کہ میں کورونا کے دنوں میں ایک ڈرامے کی شوٹنگ میں مصروف تھی، اس دوران میرا معمول انتہائی مصروف تھا اور میں اپنے اہلِ خانہ کو بھی بہت یاد کر رہی تھی۔
اداکارہ کے مطابق ایک روز طبیعت ناساز ہونے پر میں نے پروڈیوسرز سے درخواست کی کہ میرے چیک اپ کے لیے گاڑی کا انتظام کیا جائے، وقفے کے دوران میں چیک اپ کے لیے گئی۔