پاکستانی بلاک بسٹر و ریکارڈ توڑ بزنس کرنے والی فلم دی لیجنڈ آف مولا جٹ نے چین میں منعقدہ ساتویں جیکی چن انٹرنیشنل ایکشن فلم ویک میں 2 اعزازات اپنے نام کر لیے۔
جیو فلمز کی پیشکش، انسائیکلومیڈیا اور لاشاری فلمز کے بینر تلے تخلیق کی گئی شاہکار فلم دی لیجنڈ آف مولا جٹ کے ہدایت کار بلال لاشاری نے انسٹاگرام پر کامیابی کا اعلان کیا۔
انہوں نے اپنے سوشل میڈیا اکاؤنٹ پر اختتامی تقریب کی تفصیلات شیئر کیں، جہاں فلم کو اسپیشل جیوری ایوارڈ اور بہترین آرٹ ڈائریکشن کا ایوارڈ دیا گیا۔