بالی ووڈ کے لیجنڈری اداکار امیتابھ بچن نے معروف اداکارہ پریتی زنٹا سے سالگرہ کی مبارکباد کا جواب نہ دینے پر دلچسپ انداز میں شکوہ کر دیا۔
پریتی زنٹا کئی برس بعد مقبول کوئز شو کون بنے گا کروڑ پتی میں بطور مہمان شرکت کرنے جا رہی ہیں، جہاں ان کی ملاقات میزبان امیتابھ بچن سے ہو گی، شو کی نئی قسط کے جاری کیے گئے پرومو نے مداحوں کی توجہ حاصل کر لی۔
پرومو میں امیتابھ بچن پریتی زنٹا سے کہتے ہیں کہ مجھے آپ سے ایک بڑا شکوہ ہے۔