Entertainment
فردوس جمال کا شاہ رخ خان سے متعلق بیان پر یوٹرن
اپنے متنازع بیانات کے باعث بھی اکثر خبروں کی زینت بننے والے پاکستانی سینئر اداکار فردوس جمال نے بھارتی اداکار شاہ رخ خان سے متعلق اپنے سابقہ بیان سے یوٹرن لے لیا۔
مصنف Wajiha Naz176K بار پڑھا

اپنے متنازع بیانات کے باعث بھی اکثر خبروں کی زینت بننے والے پاکستانی سینئر اداکار فردوس جمال نے بھارتی اداکار شاہ رخ خان سے متعلق اپنے سابقہ بیان سے یوٹرن لے لیا۔
اداکار نے حال ہی میں یوٹیوب کے ایک چینل کو انٹرویو دیا، جہاں انہوں نے بالی ووڈ سُپر اسٹار شاہ رخ خان سے متعلق اپنے سابقہ بیان کی وضاحت پیش کی۔
فردوس جمال نے کہا ہے کہ میں نے شاہ رخ خان کے خلاف کچھ نہیں کہا تھا، میں ان کا مداح ہوں، وہ ایک بہترین اداکار ہیں اور دلیپ کمار کی فنی روایت کا تسلسل ہیں۔
ان کا کہنا ہے کہ ہر اداکار کا اپنا ایک فکری اور فنی مکتب ہوتا ہے، میرا تعلق دلیپ کمار کے مکتبِ فکر سے ہے، شاہ رخ خان جیسے اداکار مختلف ہیں، مختلف اداکار مختلف لوگوں سے متاثر ہوتے ہیں، جبکہ میں دلیپ کمار، محمد علی، آغا طالش اور علاؤالدین جیسے اداکاروں سے متاثر ہوں۔
شاہ رخ خان اتنا بڑا اداکار نہیں جتنا بڑا اسٹار ہے: فردوس جمال


