نیٹ فلکس کے معروف شو ’دیسی بلنگ‘ سے شہرت حاصل کرنے والی دبئی میں مقیم کاروباری شخصیت اور اینیکس ہولڈنگ کے چیئرمین ستیش سنپال ایک بار پھر قانونی تنازعات کی زد میں آ گئے۔
بھارتی میڈیا کے مطابق متحدہ عرب امارات کے فنانشل انٹیلی جنس یونٹ نے ستیش سنپال، ان کی اہلیہ تابندہ سنپال اور ان سے وابستہ متعدد کمپنیوں کے اثاثے اور مالیاتی کھاتے عارضی طور پر 30 دن کے لیے منجمد کر دیے۔
اماراتی حکام نے ستیش سنپال کے بینکوں، مالیاتی اداروں اور ڈیجیٹل اثاثہ فراہم کرنے والے اداروں کو ہدایت کی ہے کہ تمام کھاتوں، سرمایہ کاری، ڈیجیٹل والٹس اور مالی لین دین کو فوری طور پر روک دیا جائے، اس پابندی میں توسیع بھی کی جا سکتی ہے۔