بھارتی اداکار رنبیر کپور کی 78 لاکھ بھارتی روپے مالیت کی گھڑی نے فلم ’رامائن‘ کی بین الاقوامی ٹریلر لانچ تقریب میں توجہ حاصل کر لی۔
بنگلورو میں 15 اکتوبر کو ہونے والی تقریب میں رنبیر کپور، سائی پلوی، روی دوبے، یش، راکول پریت سنگھ، ہدایت کار نتیش تیواری اور موسیقار اے آر رحمٰن سمیت دیگر شخصیات نے شرکت کی۔
اس موقع پر رنبیر کپور نے مداحوں سے کنڑ زبان میں گفتگو کی، جس پر حاضرین نے بھرپور تالیاں بجائیں اور خوشی کا اظہار کیا۔
رنبیر کپور نے بتایا کہ میں نے کنڑ زبان کا صرف ایک جملہ سیکھا ہے، تاہم اگلی ملاقات تک اپنے ساتھی اداکار یش سے مزید جملے سیکھنے کی کوشش کروں گا۔