بالی ووڈ اداکار گووندا نے مبینہ گرل فرینڈ کومل رانی سوارنکر کے ساتھ لال باغیچہ راجہ پنڈال جانے پر ہونے والی تنقید کا جواب دے دیا۔
62 سالہ اداکار نے کہا ہے کہ میں کومل رانی کے ساتھ اپنی آنے والی فلم ’روپا‘ کی کامیابی کے لیے دعائیں کرنے گیا تھا، جس میں کومل میرے مقابل اداکاری کر رہی ہیں۔
گووندا نے میڈیا سے گفتگو کرتے ہوئے کہا ہے کہ لوگ جس طرح ردِعمل دے رہے ہیں، اس سے قبل میں کرشمہ کپور کے ساتھ بھی وہاں گیا تھا اور اس وقت میری فلمیں کامیاب ہوئی تھیں، میں روینہ ٹنڈن کے ساتھ بھی لال باغیچہ گیا تھا اور فلم کامیاب ہوئی، اس بار میں کومل رانی کے ساتھ گیا اور فلم کے لیے دعا کی۔