اداکارہ کرن خان نے نازیہ حسن کے سابق شوہر سے دوسری شادی کرلی
کراچی (اُردو پوائنٹ اخبارتازہ ترین - آن لائن۔ 18 ستمبر2026ء) پاکستانی اداکارہ اور میزبان کرن خان نے دوسری شادی کرلی ہے، انہوں نے عمرے کی ادائیگی کے ساتھ مقدس شہر میں نکاح کی خوشخبری مداحوں کے ساتھ شیئر کی۔کرن خان نے سوشل

کراچی (اُردو پوائنٹ اخبارتازہ ترین - آن لائن۔ 18 ستمبر2026ء) پاکستانی اداکارہ اور میزبان کرن خان نے دوسری شادی کرلی ہے، انہوں نے عمرے کی ادائیگی کے ساتھ مقدس شہر میں نکاح کی خوشخبری مداحوں کے ساتھ شیئر کی۔کرن خان نے سوشل میڈیا پر نکاح کی تصاویر شیئر کرتے ہوئے اپنی زندگی کے نئے ٰ سفر کا اعلان کیا۔ ان کے شوہر کا نام اشتیاق بیگ ہے۔اشتیاق بیگ معروف پاکستانی گلوکارہ نازیہ حسن کے سابق شوہر بھی ہیں۔ رپورٹ کے مطابق نازیہ حسن اور اشتیاق بیگ کی ازدواجی زندگی مشکلات کا شکار رہی، جبکہ اشتیاق بیگ نے نازیہ حسن سے طلاق کے معاملے کو آج تک تسلیم نہ کرنے کا مؤقف اختیار کیا ہے۔کرن خان کی اس سے قبل شادی نادر علی سے ہوئی تھی، جن سے ان کا ایک بیٹا ہے، ان کی شادی طلاق پر ختم ہوئی تھی۔کرن خان کی دوسری شادی کی خبر سامنے آنے کے بعد شوبز شخصیات اور سوشل میڈیا صارفین کی جانب سے انہیں مبارکبادیں دی گئیں۔ ندا یاسر، فریحہ اعوان اور اظفر سمیت دیگر افراد نے کرن خان کیلئے نیک خواہشات کا اظہار کیا۔دوسری جانب سوشل میڈیا صارفین نے اشتیاق بیگ کو نازیہ حسن کے سابق شوہر کے طور پر بھی شناخت کیا اور ان کی سابقہ ازدواجی زندگی سے متعلق تبصرے کیے۔



