Inihayag ng National Bureau of Investigation (NBI) na napigilan nila sa tulong ng Federal Bureau of Investigation (FBI) ang planong mass shooting na gagawin ng ilang menor de edad na estudyante sa isang paaralan sa Batac, Ilocos Norte.
Sa ulat ni Sam Nielsen sa Super Radyo dzBB nitong Martes, inihayag umano ni NBI Director Atty. Melvin Matibag, na tatlong kabataan na pawang 16-anyos ang hawak nila ngayon.