Nahuli-cam ang ginawang pagtangay ng apat na kabataan sa isang piso wifi machine na naglalaman ng aabot sa P4,000 na barya sa Numancia, Aklan.
Batay sa impormasyon ng GMA Regional TV, na iniulat sa GTV News Balitanghali nitong Martes, mapanonood sa CCTV camera na saglit na huminto ang pagnanakaw ng mga lalaki sa Barangay Aliputos dahil sa tahol ng mga aso.
Makaraan ang ilang saglit, tumiyempo ulit ang mga lalaki at nagpatuloy sa target nilang makina.