National
Binatilyo, isinumbong sa NAPOLCOM ang pulis na nanghampas umano ng baril kaniyang balikat
Dumulog sa National Police Commission nitong Biyernes ang isang 17-anyos na binatilyo matapos siyang makaranas umano ng pananakit mula sa isang pulis.
By GMA News41K reads

Dumulog sa National Police Commission nitong Biyernes ang isang 17-anyos na binatilyo matapos siyang makaranas umano ng pananakit mula sa isang pulis.
Sa ulat ni Oscar Oida sa GTV News Balitanghali nitong Biyernes, sinabing kasama ng binatilyo ang kaniyang ama nang magtungo sa tanggapan ng ahensiya upang magsumbong sa naranasan umanong pagmamalupit mula sa isang pulis.
Ayon sa binatilyo, nagmamaneho siya ng motorsiklo angkas ang kaniyang tiyuhin sa may Pulilan – Baliuag Bypass Road noong gabi ng Oktubre 31, nang madaanan nila ang isang grupo ng mga pulis.



