Nakahanda na ang iba’t ibang ahensiya at rescue team sa lalawigan ng Batanes dahil sa inaasahang epekto ng Super Bagyong Rosal. Sinuspinde na rin ang klase sa mga paaralan at pasok sa sangay ng gobyerno sa Huwebes, Oktubre 22, 2026.
Sa ulat ni CJ Torida sa GMA Regional TV One North Central Luzon nitong Miyerkoles, sinabing itinaas na sa Code Red ang alert status ng Provincial Disaster Risk Reduction and Management Office ng Batanes, at ang kanilang Emergency Operation Center.