National
Babae, patay sa saksak ng kinakasama dahil umano sa selos sa Cebu City
Nasawi ang isang 32-anyos na babae matapos saksakin ng kaniyang kinakasama na hinihinala ng pulisya na labis na nagselos sa Cebu City.
By GMA News Online153K reads

Nasawi ang isang 32-anyos na babae matapos saksakin ng kaniyang kinakasama na hinihinala ng pulisya na labis na nagselos sa Cebu City.
Ayon sa ulat ni Decemay Padilla ng DYSS Super Radyo GMA nitong Huwebes, sinabing nangyari ang krimen sa mismong bahay ng dalawa sa Barangay Basak San Nicolas nitong Miyerkoles ng umaga.
Batay sa impormasyong nakuha mula sa Mambaling Police Station 11 ng Cebu City Police Office, nagkaroon umano ng pagtatalo ang biktima at ang suspek bago naganap ang pananaksak na nasaksihan ng kanilang mga anak.



