Nakabawi si Alexandra “Alex” Eala mula sa pagkatalo sa unang set upang pataubin ang Australian na si Talia Gibson, 4-6, 6-2, 6-0 sa kanilang sagupaan sa Round of 16 sa Pan Pacific Open nitong Miyerkules sa Tokyo, Japan.
Muntik nang maagang magpahinga sa torneo ang 21-anyos na Pinay tennis star, ngunit nanatili siyang palaban sa huling dalawang set upang talunin world No. 38 na si Gibson, at makapasok sa quarterfinals sa unang pagkakataon ng Asian Swing.