Nakalusot sa matinding pagsubok si Alexandra “Alex” Eala matapos niyang talunin sa isang mahigpit na laban nitong Huwebes si Tereza Valentova, 6-4, 7-6(7), upang makapasok sa quarterfinals ng Hong Kong Tennis Open.
Mabilis na nakalamang si Eala sa unang set, 3-0, bago nakapuntos si Valentova. Nadagdagan pa ng Pinay tennis star ang kalamangan at naging 4-1, ngunit nakabawi ang Czech player at naitabla ang laro sa 4-all.