National
79-anyos na bedridden na lola, nasawi sa nasunog na bahay sa Pasig
Isang 79-anyos na lolang nakaratay sa kama ang nasawi sa nasunog nilang bahay sa Barangay Buting, Pasig. Ang pumanaw na lola, magbi-birthday pa man sana sa susunod na buwan.
By GMA News55K reads

Isang 79-anyos na lolang nakaratay sa kama ang nasawi sa nasunog nilang bahay sa Barangay Buting, Pasig. Ang pumanaw na lola, magbi-birthday pa man sana sa susunod na buwan.
Sa ulat ni EJ Gomez sa Unang Balita, nabulabog ang mga residente ng nagnangalit na apoy pasado 1 a.m. nitong Huwebes.
Isang bahay ang mabilis na tinupok ng apoy sa E. Mendoza Street. Nahagip pa sa video ang mga nagpuputukang linya ng kuryente.
Sinabi ni Jigs Servillon, kapitan ng Barangay Buting na kaanak ng nasunugang pamilya, ligtas na nailikas ang lima mula sa nasusunog na bahay.



